L'invenziån d un cuntadén ed Castèl

Clicca sulla freccia per ascoltare la zirudella

Zirudèla che ucaṡiån
int al sêcol dl’invenziån,
i s dän tótt un grän dafèr,
tótt i vôlen inventèr,
mo ai suzêd di lavurîr
da fèr rédder al månnd intîr.
L inventåur par mé pió bèl
l é Mingån, quall ed Castèl,
ch’al pinsé una matéina
d asparmièr änc la faréina,
cun un quèl ed stass culåur
änc pió fén e cun dl udåur.
L andé sóbbit a cunprèr
dla grän zîpria; u s méss a fèr
dal fritèl. A m capirî
che grän ciûc d artiglierî
d’in padèla al gnêva fòra,
che ṡgunbéi e pò che pòra:
al saltêvn in zà e in là,
ló al curêva vî par cà,
u s ciapé na grän scagâza
ch’i ridêven fén in piâza.
L inventåur al fé padèla,
tócc e dâi la zirudèla.